O lea ua fa'asalalau fa'alauaitele mai i luga o le itulau a le Iuni lakapi a Faleata 'au e 12 po'o kalapu lakapi ta'ito'a fitu eseese i totonu o Samoa o le 'a tausinio ma tauva i le ta'amilosaga ta'ito'a fitu mo le fa'amanatuina o le tuto'atasi o Samoa.
O le aso To'ona'i nei aso muamua o le masina o Iuni o le a tatala aloaia ma amatalia ai lenei ta'amilosaga ma e tasi lava le aso e fa'agasolo ai ma fa'atino ai sailiga siamupini mo lenei ta'amilosaga i lenei tausagaga 2024.
Ua na'o le pau lea o le Iuni lakapi i totonu o le atunu'u lea o le 'a fa'atino le latou ta'amilosaga ta'ito'afitu a'o feagai ai le atunu'u ma le aso taua o le fa'amanatuina o le tuto'atasu o Samoa.
E 4 pulu ua uma ona vaevaeina iai 'au e 12 o le pool A o lo'o iai Marist, Apia, Vaigaga, o le pool B aofia ai Afega, Falefa, Tuana'i, o le pool C o lo'o fa'atulaga mai ai Vaimoso, Malie, Toamua, ma le pool D o Moata'a, Moamoa ma Satalo.
Comments