12 ‘au o le a tausinio i le ta’amilosaga ta’ito’a fitu a le Taula Siumu Sevens Series 2024.

Photo Supplied: Lakapi Siumu

Ua fa’asalalau fa’alauaitele mai nei i luga o le itulau(Facebook) a le kalapu lakapi a Siumu lisi o ‘au e 12 o le ‘a tausinio mo lea ta’amilosaga ta’ito’a fitu o le a amatalia i le aso 18 o  le masina lenei o Me 2024.

O le kalapu lakapi lenei a Siumu lea sa sola mai ma le siamupini o le ta’amilosaga ta’ito’a fitu a le Marist Pago lea sa fa’atautaia i le masina ua mavae i totonu o le motu o Manu’a a’o feagai ai ma le sisiga fu’a.

E tolu vae(legs) ua vaevaeina ai le fa’agasologa o le ta’amilosaga e pei ona iai le vae muamua lea o le ‘a amata i le aso 18 o le masina lenei o Me i le malae o le kolisi maualuga o Palalaua ma o lo’o lagolago autu e le kamupani a le Taula lenei fa’amoemoe.

O le manulauti o le fa'amoemoe lenei o a le kalapu lakapi a Siumu e mo le toe filifilia ma va'ava'i i nisi o sui mai kalapu eseese o le 'a tausinio ile ta'amilosaga e iai le avanoa e filifilia ai i le 'au a Siumu a'o fa'asauni atu ai i le ta'amilosaga ta'ito'a fitu a le Malisi i Samoa nei i se masina e leo toe mamao.

O ‘au nei e 12 o le ‘a fa’agasolo ai vae e tolu o le ta’amilosaga a le Taula Siumu Sevens Series 2024.

1. Saaga

2. Laumosooi

3. Matafala

4. Maninoa

5. Mulivai

6. Lotofaga

7. Sataoa

8. Saanapu

9. Uso Satalo

10. Marist Rugby

11. Laumua Tumua Afega

12. Malie Sharks