E toa 20 nisi o tagata Samoa ua toe faafoi mai ina ua māe'a ona falepuipui ma tuli fa'asalaga i Amerika Samoa ona o ni isi o amioga ma soligatulāfono sa faia ao iai totonu ole teritori.
Ma o le tasi nei o mataupu na talanoaina i le fono o mālō e lua le Atoa o Samoa, ina ia toe faafoi mai tagata Samoa sa fa'afalepuipui i Amerika Samoa mo le latou saogalemū.
O isi mataupu sa soālaupule ma ua felagolagomai ai motu e lua, o le tuuina mai lea o le tau'au lagolago a Amerika Samoa i le toleniga lea o taifau sosogi po'o K9 ao tapena ai foi le atunuu o Samoa i lana taligamalo o le fono o Taitai o Atunuu o Mālō o Taupulega(C.H.O.G.M) ia Oketopa o le tausaga nei 2024.
Ua sainia foi se maliega i le fefa'asoaa'i lea o tagata e iai o latou tomai faafoma'i i le va o Sāmoa e lua.
Comments