O lo'o fa'aauauina pea le tu'utu'u atu o le tauau o le kamupani telefoni a le Digicel mo ana paaga uma aemaise ai o fesoasoani tau tupe mo sosaiete ma pisinisi laiti aua le atina'eina ina ia lelei ma mautu.
U foai e le Digicel le seleni e $50,000 e agalelei ma lagolagoina ai fuafuaga ma fa'amoemoega uma o le Asosi Soka a Samoa e le gata i le fa'atupeina o tapenaga a le Asosi ae o fuafuaga mo ana ta'amilosaga soka mo kalapu soka ta'itasi i totonu o Samoa lava.
O le afioga i le ali'i pule sili o le Digicel sa tauaaoina atu lenei foai tupe le afioga ia Anthony Seuseu ma e iai lona talitonuga o se foai taua tele leni seleni mo le atina'eina o lenei ta'aloga o le soka i tupulaga talavou uma o Samoa aemaise lava i fanau iti o lo'o a'otauina i totonu o aoga tulagalua e tatau ona aputiputi ma apoapo lelei lo latou tuputupu a'e aua se lumana'i manuia mo Samoa.
O le a faia se ta'amilosaga soka ale Asosi Soka a Samoa le ta'amilosa o le Digicel Samoa Summer Liki ma ua fuafua e amatalia i le aso 24 male aso 25 o le masina o Iulai i le tausaga nei 2024 e 10 aoga o le a tausinioa ai i le nei ta'amilosaga mo le lua aso.
Comments