Ata: A'oga o le ZONE B sauni mo le 100 mita | Demetrius Ah Mau.
Sa fa'atumulia le Apia Park i le aso ananafi i le lolofi atu o matua o aiga fa'atasi ai ma kolisi uma o le Sone B. O le felanulanua'i o toniga ta'alo a alot amomo'e faapea ma le lasi o toniga eseese o kolisi ta'itasi, sa valiina ai le malae atoa ma falematamata o le Apia Park.
E le'i faigofie le tau sailia ai o se siamupini o lenei fo'i tausagai le sone B e pei ona finau mai ai le kolisi o Pesega, Faleata, Robert Louis ma le kolisi o Sanele, ae o le malosi fo'i lea i le kolisi o Sagato Iosefo i le puipuia o lo latou siamupini talu mai le tausaga e 2021.
E le’i iai se a’oga o le Sone B sa fa’aletonu taumafaiga, o le Kolisi maualuga o Sagato Iosefo i Alafua na tele ina avea tulaga o ta’aloga tamo’e aemaise ai lava o le Itupa o ali’i, ae o le itupa o tama'ita'i lea o lo’o tulaga muamua ai le Kolisi o Pesega.
Na mae'a le aso ananafi ma le fa'amalieina o le maimoa a matua mai kolisi eseese, o le loto fiafia fo'i iulua’oga uma ma le fiafia o alo ma fanau uma sa auai, ae pepese fiafia ma sisiva Kolisi o Pesega ma Sagato Iosefo lea o lo’o tulaga muamua i le fa’atulagina o togi mo itupa o ali’i fa’apea ai fo’i tama’ita’i.
O le aso lenei, o lea ua fa’agasolo ai ta’aloga o le Sone A ma taualuga ai loa ta’aloga a Sone i le Sone C lea e iai uma a a’oga o le Motu i Savai’i.
TU'UFA'ATASIGA O TOGI O LE SONE B:
DIVISIONS | POSITION | GIRLS | BOYS |
Juniors | 1 | SMC(90) | SJC(116) |
| 2 | CCP(78) | CCP(82) |
| 3 | FC(45) | FC(41) |
| 4 | CC(28) | CC(23) |
| 5 | RLSS(18) | RLSS(20) |
| | | |
Intermediate | 1 | CCP(101) | SJC(118) |
| 2 | SMC(90) | CCP(60) |
| 3 | FC(33) | FC(58) |
| 4 | CC(24) | RLSS(43) |
| 5 | RLSS(21) | CC(25) |
| | | |
Seniors. | 1 | CCP(90) | SJC(113) |
| 2 | SMC(82) | CCP(90) |
| 3 | FC(49) | FC(37) |
| 4 | RLSS(9) | CC(16) |
| 5 | CC(6) | RLSS(2) |
| | | |
Comments