7 Oketopa 2022
Ua sainia nei se maliega aloa'ia i le va o Samoa ma le atunuu o Arapi i le maliega o auaunaga tau i femalagaina ile 'ea, ma 'ua mafai ai nei ona fa'amalieina le tulaga o feoa'iga o va'alele i va o atunuu nei e lua.
O le maliega lenei na saini i le 'a'ai o Quebec, Montreal i Kanata.
O le afioga ile Minisita o Galuega, Fela'ua'iga ma Va'alele Savili ia Hon Olo Fiti Afoa Va'ai sa ia sainia lenei feagaiga o se sui ole malo tuto'atasi o Samoa ae ole fa'atonu Aoao ole Pulega o Va'alele i Arapi na fai ma sui olea fo'i atunu'u.
O lenei maliega fa'avaomalo ua iai fo'i mase feagaiga i le fa'aleleia atili o auaunga tau i femalagaina ile 'ea i va o nei lava atunu'u e lua,
Na saunoa le afioga ile Minisita o Galuega afioga ia 'Olo Fiti Afoa Va'ai, ole sainia ai o le feagaiga lenei ua matala ai ma faitoto'a e mafai ai ona fa'apa'aga ma Kamupani va'alele e ono i le atunuu o Arapi.
O le faigamalaga lenei a le afioga i le Minisita o le auai atu i le fono lona 41 o le fa'alapotopotoga o Va'alele Fa'avaomalo, o lo'o auai fa'atasi ai male Ofisa Sili o Pulega o Malosi'aga Fa'a'eletise ia Fui Tupa'i Mau Simanu, o le Pule Sili ale Pulega o Malaeva'alele ia Silimana'i Ueta Solomona, Ofisa Sili Lagolago o le Matagaluega o Galuega 'i le vaega o Va'alele Savaili ia Lauano Yvone Tuioti Mariner, Ofisa Sili Lagolago o le vaega o tulafono i le Matagaluega o Galuega ia Kalameli Seuseu Soo ma le Sui Pule Lagolago i le vaega o 'au'aunaga inisinia Va'alele ia Toilolo Tyronemoore Lam.
Comments