O le aso Faraile 13 Oketopa 2023 le aso mulimuli mo faigapalota i fale palota faapitoa a le malo o Niu Sila o lo'o i totonu o Samoa.
O le Ofisa o le Komesina Maualuga o Niu Sila i Samoa, o lo'o iai lenei falepalota ma o lo'o tatala lea mo tagatanu'u o Niu Sila o lo'o aumau i totonu o le atunu'u e aofia ai ma Amepasa po'o sui o Niu Sila o lo'o galulue i totonu o Samoa.
O le Aso To'ona'i ua fa'amoemoe e tapunia ai faigapalota a le malo o Niu Sila ma iloa ai le fa'ai'uga o le faiga filifiliga.
Ua maitauina le finau o lenei faigapalota, e pei ona maitauina i pasene fa'atulaga mai i le so 5 ile Aso 10 Oketopa 2023 a le NEWSHUB, o lo'o fa'atulaga mai le National i pasene e 34.5%, Vaega Fa'aupufai a le Palemia o le Labour e 27.5% ona soso'o ane ai ma le Green i le 14.9%, ACT e 8.8%, Vaega Fa'aupufa a Winston Peters le New Zealand First e 6.8% ma le Maori e 2.7%.
E faitau selau tagata Samoa o lo'o alala i Niu Sila ua fa'aali o latou aia tatau e ala i le palota tele lenei a Niu Sila.
Ua valoia fo'i le ono toe tula'i mai o le faigamalo o le Labour o lo'o ta'ita'i lea e le ali'i Palemia o Chris Hipkins.
Comentarios