O loo auai le Fofoga Fetalai o le Maota Fono a Samoa ia Papalii Lio Oloipola Taeu Masipa'u ma ni isi o sui faipule o le Palemene i le fonotaga lona 66 o le Faalapotopotoga a Palemene o Mālō o le Taupulega i Aferika.
O le Minisitā lagolago o le Matagaluega o Faamasinonga ia Fesolai Apulu Tusiupu ma le sui Usufono tamaitai o Alataua i Sisifo ia Aliimalemanu Alofa Tuuau o loo malaga faatasi ma le Fofoga Fetalai e fai ma sui usufono o le Palemene o Samoa i lea fonotaga tāua.
O lenei fonotaga o le 'a faatalanoaina ai matāupu o aafiaga o le Fesuiaiga o le faitau aofai o tagatanuu i le Puleaga lāiti, Palemene Laiti ma le Faasoaina o Punaoa, faapea le fausiaina o Palemene tutoatasi.
O le Aso 1 o Oketopa na amatalia ai lenei fonotaga ma o le a faamaeaina i le Aso 6 o Oketopa 2023.
Komentar