'Ava o le feiloa'iga e fa'afeiloa'i le Minisitā fou o le Matāgaluega o Ta'aloga.

Minisita o Ta'aloga Hon Laumatiamanu Mathew Ringo Purcell| Demetrius Ah Mau.

O le taeao nei o le Aso Tofi na fa'atino ai le ava o le feiloa'iga i le Matāgaluega o Aoga, e faafeiloai ai le afioga i le Minisitā Fou o Taaloga ia Laumatiamanu Mathew Ringo Purcell.

O le afioga i le Minisita o Aoga, Taaloga ma Aganuu ia Seuula Ioane ma lana Minisita Lagolago sa auai faatasi ma le Ofisa Sili o Pulega a le Matagaluega o Aoga ia Aeau Chris Hazelman e faafeiloai aloaia le afioga i le Minisita o Taaloga lea ua tu'ueseese mai ma le Matagaluega o Aoga ma Aganuu.

O upu faalaeiau na saunoa iai le susuga i le faifeau ua Rev Vaiao Eteuati o ia foi o le Komesina o le Gagana Samoa i le atunuu.

O le afioga ia Laumatiamanu o se uluai Minisita o le Matagaluega fou lea ua faavae nei e le faigamālō, o le auga ma le faamoemoe ina ia tausoa le galuega aemaise o le tuumavaevae ai o taaloga ma aoga.

O le masina o Oketopa ua faamoemoe e amata aloaia ai galuega a le Minisita Fou o taaloga ma o le 'ā faatino lava galuega i lalo o le paketi o loo faaaogaina e le Matagaluega o Aoga.