Faʻailoa mai e le Palemia o Niu Sila, Le Afioga ia Chris Hipkins, e 6000 tagata faigaluega a le malo o le a leai ni galuega pe afai e ta’ita’ia e le National le isi faigamalo.
O le talitonuga o le Labour, o le fuafuaga tau tupe a le National e manaʻomia le tipiina le $ 3 piliona i tausaga taʻitasi mai tupe faʻaalu i auaunaga mo tagata Niu Sila, E 6000 tagata faigaluega a le malo o le a leai ni latou galuega, ma o le a siʻi totogi o auaunaga e pei o aoga amata ma femalagaiga lautele, faʻapea foʻi o le a atili ai ona alu luga le tau o pili o fale mautotogi.
O le tali atu ole tamaitai ia Nicola Willis, le soʻoupu o le National mo mataupu tau tupe ma paketi, sa ia saunoa i se faʻatalanoaga ma le RNZ, e faapea, "O loʻo matou ofoina atu se suiga ese, e sili atu mo Niu Sila."
"O se vaega o le fuafuaga a le National e aofia ai le toe fa'afo'isia o le taofi o lafoga mo tagata e ona fanua ma fale mautotogi, ina ia faaititia ai le tau mo tagata o loʻo totogi lisi" ae peitai lei manino mai se tali a Nicola i le tulaga o le a iai tagata o loʻo nonofo mautotogi (tenants) pe o le a siʻi pe faʻaititia le tau o le lisi (rent)
O lenei mau sa faʻapea ona teʻena e Grant Robinson mai le Labour Party e faʻapea e lē saʻo le paketi ma le tala o le tupe a le National ma e matuā afaina ai Niu Sila, pe afai e malo National i le Palota o loma nei.
Σχόλια