Tish Peau o loo ofu lanumoana| Ata mai i le KVZK TV.
O se fesili lenei na fesiligia ai e le afioga i le Peresetene o le Maota o Sui a Amerika Samoa ia Tuāolo Manaia Fruen le faatonu o le American Historical Preservation Office ia Tish Tumua Peau Folau i le suesueina o le matāupu i le va'a o le Kite Runner lea na taofia e leoleo i lo tatou atunu'u ona e le'i iai ni pepa faataga e mafai ai ona ulufale mai i ogasami o Samoa.
O le vevela ai o le suesuega o loo faagasolo i le maota o sui, na tuusao ai se fesili a le Peresetene o le Senate ia Tuāolo i le tamaitai faatonu ma le Pulesili o le Ofisa o le Kovana ao faagasolo foi iloiloga i le Paketi a le mālō o Amerika Samoa.
E le'i poi fesili tu'usa'o a Tuāolo, na fesiligia ai le tamaitai faatonu pe aiseā ua iai lona fesootaiga i le matāupu o le va'a o loo suesue nei, ae tali Tish; o ia e 'āiga ma le e onaina le va'a lenei.
"E faapefea na involve oe i le mea lea?". Na tali Peau, "o le 'āiga".
Na tu'i fesili ai loa e le Peresetene o le Senate le Faatonu, ona sa manatu o Peau e faigaluega ia Papalii le pule o le va'a ae peitai ane ua manino le matāupu o le tamaitai faatonu e faigaluega i le mālō ae iai ona sootaga ma piitaga faale'āiga.
Saunoa le Peresetene, e lē mamā i le maota le matāupu lenei o loo su'esu'e nei ona o aafiaga o le mālō e ala faiga nei faasolitulāfono sa faatino.
Na tolopō le toe iloiloina o lenei matāupu e talia le lipoti mai i le Lōia Sili a Amerika Samoa.
Comments