O le vaveao o le taeao nei sa amatalia ai ta’amilosaga ta’ito’a fitu o ta’aloga o le Olimipeka ma sa ta’aalo ai le tatou Manu Samoa 7’s mo ana ta’aloga muamua e lua i le fa’agasologa o ta’aloga o pulu (pool games).
O le ‘au a Ausetalia na ta’aalo muamua ma le Manu Samoa ma na malumalo ai Ausetalia i ‘ai e 21 i le 14 a le Manu Samoa 7’s soso’o iai ma le ta’aloga lona lua na ta’aalo ai ma Argentina ma e le’i manuia fo’i taumafaiga a le Manu Samoa 7’s, o le ta’aloga o le fa’amoemoe ai le Manu Samoa saili ai sona avanoa o le ta’aloga mulimuli ma Kenya lea o le a ta’aalo ai i le aso a taeao.
Mo le silafia o lea ua toe filifilia nisi o sui tuai o le Manu Samoa 7’s e fesoasoani tele i le taumafaiga o le ta’amilosaga lenei o le Olimipeka e pei ona iai Alamanda Motuga fa’atasi ai ma le toe fo’i mai o le ali’i o Va’afauese Apelu Maliko.
Comments