I se pepa o fa'amatalaga ua fa'asalalau fa'alauaitele nei e le Pulega o Femalagaiga i le Laueleele le LTA o lo'o taua ai e leo suia tau o pasese e le'i si'itia po'o fa'aititia mo le silafia e auaunaga ta'avale la'upasese ma pasi aemaise ia manino iai le mamalu lautele o le atunu'u o lo'o fa'aaogaina ne auaunaga.
O le fuataga lava o tau o pasese o lo'o tumau pea talu mai le tausaga e 2014 ae ua maitauina e le Matagaluega o Femalagaiga i luga o le laueleele ua tele ina fa'aulu atu faitioga a tagata o le o lo'o fa'aaogaina taxi ma pasi ile overcharge po'o le si'itia o tau o pasese mai o latou tau masani.
O lo'o fautua malosi mai le Pulega o Femalagiga i luga o le Laueleele po'o le LTA i Ave Taxi ma Ave Pasi uma o Samoa ina ia utagia lenei apoapoaiga ina ia lelei le fa'aauauina o le tautua mo le mamalu o e atunu'u.
O le le usitaia o lenei fa'asilaisla mai le LTA o le a mafai ai ona molia so'o se tasi o lo'o fa'atinoina lenei solitulafono ma aafia ai le resitalaina o Faleta'avale, Ta'avvale laupasese faapea ai ma Pasi la'u pasese.
Comments