Faipule o Salega 1 ia Fepulea'i Faimata Su'a. |Photography by Oscar Mose/Blutv.
O se manatu lea a le lōia a le itū a leoleo, ina ua talosaga le faipule o Salega ina faaleaogaina ni isi o aiaiga ma tuutuuga o loo tatala ai i tua.
O le aso Lua 27 Fepuari 2024 na valaauina ai le mataupu a Fepuleai Faimata Su'a, Li'o Fataumalama, Lise Schmidt, Sam Su'a ma Sivai Kepi i luma o lana afioga i le Faamasino o le Faamasinoga Faaitūmālō a Samoa.
O lenei mataupu e sootaga i le maliu ai o le taulealea o Tuuau Faasavalu i le tausaga e 2021 i Vaitele.
Na vaalaauina le mataupu i moliaga ua maea ona faamautu e le itū a leoleo ma faatulaga ai le aso e tatau ona suesueina ai mau a leoleo e tusa o moliaga ua molia ai i latou.
O le Faipule o Salega 1 ia Fepuleai Faimata Su'a, ua molia i moliaga e 18, e fa moliaga o loo molia ai le sa avea ma leoleo asiasi(inspector) ia Li'o Faataumalama Auava ae 9 moliaga o Lise Marie Schmidt.
O loo iai ni isi foi o moliaga o loo molia faatasi ai i latou nei.
O le afioga ia Fepulea'i, e 7 moliaga o le taupulepule e ufiufi le mea moni,o moliaga e 3 o le fafau ina o molimau faatasi ai le ma ni isi o moliaga o le taupulepule e fai se soligatulafono.
Mo Li’o Faataumalama Auava e 3 moliaga o le taupulepule e ufiufi le mea moni ma le moliaga e tasi o le taupulepule e faatino se soligatulafono.
Ae mo le tamaitai o Lise Marie Schmidt e 3 moliaga o loo molia ai o le faalafi o se tagata o loo saili, solia o aiaiga ma tuutuuga o lona tatala ai i tua(bail), fafauina o mau faatasi ai ma le taupulepule e ufiufi le mea moni.
Sa tetee uma i latou i nei moliaga e pei ona faaleoina lea e le tamaitai loia o Tanya Toailoa.
Sa talosagaina foi e le lōia le faamasinoga e tusa o se manaoga a le faipule ina ia taofia ni isi o aiaiga o loo tatala ai i tua e pei o le saini faalua i vaiaso uma i Apia.
O le mafuaaga o lea talosaga, ona e manatu le faipule o le 'ā tele ai se aafiaga o ia mai ona tiute faa faipule o loo fai nei mo lona itūmālō aemaise o le taimi e tatau na malaga ai i Savaii.
Na tulai le tamaitai lōia a leoleo ma teena lea talosaga, o lona manatu e le avea le tofi faipule e fai ai se faiga faapitoa mai isi tagata o loo molia i lenei mataupu i le tulafono.
Na teena foi e le Faamasino ia Talasa Atoa Saaga lea talosaga, ae ua tuuina mai ai ni suiga e pei o le faatsi na saini i le Ofisa o leoleo i Apia poo Savaii i se Ofisa o leoleo e lata ane i lona itūmālō.
Ua faatulaga ai nei le suesueina o mau o lea mataupu i le Faamasinoga i le Aso 20 i le Aso 31 o Me 2024.
Man the police commissioner & the police minister n their police department r just cooking up lies & dishonest information on these people
But I guess that’s their M.O. when the police cannot beat them just keep making up stories. The whole police department is so corrupt they need to run through the car wash to wash them up clean n hopefully they stay clean.