Tala Fou mai Niu Sila - Sa ripotia mai e le leitio Niu Sila o le RNZ, le agavaa ai nei ona taalo mo le Manu Samoa o se tasi o alo o le atunuu sa ta'alo i le All Blacks, le alii o Julian Savea. Ua mafai nei ona ta'alo Savea mo le Manu Samoa, ina ua mae'a le 3 tausaga e le'i taalo lakapi fa'avaomalo ai, e pei o tulafono o le Iuni Lakapi o le Lalolagi.
Ina ua fesilinia e le Tusitala mai RNZ, sa ia faʻailoa ai sa i ai lona naunautaiga e taalo i le Ipu o le Lalolagi sa faia i Falani 2023, ae peita'i ona o manuaga o le tino, sa ia le mafai ai ona laasia lea faamoemoe. Ae talitonu Savea, o le'a i ai nisi taaloga mo sona avanoa i le Manu Samoa i se taimi o i luma.
コメント