O le aso o le aso lona lua o le fa'agasologa o le fono usu o le palemene o le malo tutoatasi o Samoa i le tele o mataupu fa'aletulafono fa'apea ai ma le talanoaina ma le fa'amalamalamaina o le tala o le tupe i le tausaga fa'aletupe 2024 i le 2025.
O le sui usufono mai i le itumalo o Gagaeifomauga 1 sa lauga mua ina ua tatala le avanoa e saunoa ai sui usufono uma mo a latou lauga fa'a faipule e fesiligia ai le malo i mea e fia fa'amalamalamina ma manaoga o itumalo ina ia manino le loaloa o le palemene aemaise ai o le fa'afofoga a le atunu'u lautele.
Na fesiligia e le afioga i le faipule o Gagaeifomauga 1 Tofa Hon FAIMALOTOA Kika Stowers-Ah Kau le tulaga e pei ona iai seleni o lo'o fa'amatu'u atu e le ACC (Accident Compensation Corporation) i le matagaluega o tupe lea sa iai le seleni e 10 miliona tala sa tu'uina atu i le matagaluega o tupe.
Na tali manino le afioga i le minisita Hon. Leatinuu Wayne Sooialo o ia o lo'o va'aia le ACC o le tulaga e pei ona iai seleni tupe o lo'o fa'amatu'u atu i le Matagaluega o Tupe e fai lava iai le pule ma le faitalia a le Minisita o Tupe ma le Matagaluega o Tupe i vaega e tatau ona vaevaeina ai ma fa'asafua iai ae le'o iai se fuafuaga ua na'o le si'itaga o totogi.
O le fesoasoan tele o nei seleni o lo'o fa'amatu'u atu olo'o fesoasoani i le auaina o gasegase a tagatnu'u ua mana'omia ni ta'otoga ma togafitiga i atunu'u i fafo.
O lo'o iai lava fo'i i lalo o le tulafono a le ACC le tulaga e pei ona iai fesoasoani e mafai ona ave i nisi o Matagluega a le Malo ma nisi o faalapotopotoga e aofia ai le Matagaluega o Leoloe, o le falema'i, Pulega o Fuimu, Pulega o Fela'uaiga i le Laueleele o le MWTI ma le MCIl.
Opmerkingen