Fa’ae’e le suafa matai mai ‘Aufaga i le Ta’ita’ifono ‘a le Lakapi o le Lalolagi.

26 Oketopa 2022

O le taeao o le Aso Lulu 26 Oketopa 2022 ua fa’ae’eina atu ai le suafa matai i le afioga i le ta’ita’ifono o le Lakapi ale Lalolagi (World Rugby) i le afio’aga o ‘Aufaga.

O ‘Aufaga o se tasi lea o nu’u i totonu o le itumalo a le afioga il e ta’ita’ifono ole Lakapi Samoa ia Tuila’epa Sailele Malielegaoi.

O le aoauli o le Aso Lua 25 Oketopa na taunu’u ai i laufanua o Samoa le afioga ia Bill Beaumont ma lana aumalaga ma sa fa’atalia ‘e le afioga i le ta’ita’ifono ole Lakapi Samoa le susuga ia Tuila’epa Sailele Malielegaoi.

O lenei malaga o se vala’aulia ua leva ona tu’u atu ai i le ta’ita’ifono po’o le fa’auluuluga o le Lakapi Samoa i tausaga ua tuana’i ae peita’i ona o le vavao ole Koviti 19 sa le mafai ai ona fa’ataunu’uina lea faigamalaga.

O Samoa o se tasi o atunu’u olo’o ua avea nei ma sui auai o le fono aoao a le lakapi o le lalolagi (World Rugby) talu mai le 2019 ‘ina ua finauina e le sa avea ma Palemia o Samoa i lena taimi.

O lo’o iai le fa’amoemoe i nisi fa’atalanoaga i lenei vaiaso a’o iai le ta’ita’ifono o le Lakapi o le Lalolagi i Samoa nei.