Sui autusitala Samoa ma sui o le Ofisa Komesina Maualuga a Ausetalia i Samoa nei.
O le afiafi o le Aso Faraile 27 o Oletopa na faalauiloa aloaia ai le tusiga fou o le Tusi Ta'iala mo le 'au tusitala Samoa i le lipotia o taualumaga o fono a le Palemene.
O lenei tusi ua faaliliuina i le gagana Samoa e pei ona iai le gagana faaperetania lea sa faalauiloa i le masina o Ianuari o le tausaga nei lava.
O le mālō o Ausetalia e tauala mai i le faalapotopotoga o le PACMAS, lea na latou faatupeina uma lenei fesoasoani ina ia faalelei atili ai galuega faatusitala aemaise lava o le manino ma silafia e tusitala o faagasologa o galuega fai a le Palemene.
O le sui o le PACMAS i Samoa nei, le fetalaiga ia Galumalemana Tipi Autagavaia na saunoa e tatala lea faamoemoe, ma na ia faailoa ai ni isi o faafitauli sa feagai pea ma tusitala na afua ai ona taumafai e faia lenei tusi taiala.
"O le tūlaga tāua i le PACMAS, o le iai o se tusi ta'iala e lima ta'ita'iina ai le galuega a tatou nei o loo galulue i le media; auā le lipotia o le palemene, auā o le tele a o tausaga e tele foi faitioga i le tatou mālō. Ae sa saili a le tagata ia i lona alāva'a e maua ai se faasinomaga mai i le Ofisa o le Fono auā e lei iai se tatou taumafaiga lautele foi lea ".
Ua iai foi le tusi taiala mo galuega a le Faamasinoga ae peitai na fa'aalia e le afioga ia Galumalemana, e pei e foliga mai e leo tulai mai lava i se tulaga lelei i le va o leoleo ma le au tusitala.
O le faamoemoe maualuga a le Tusitala Sinia ma le PACMAS ina ia femalamalamaa'i ni isi nei o itūtino o le mālō ma le vasega o Tusitala.
O le susuga i le Peresetene o le Faalapotopotoga o Tusitala Samoa ia Lagi Keresoma na saunoa e momoli le faafetai i le PACMAS ma le mālō o Ausetalia ona o le fesoasoani i galuega faatusitala a le atunuu.
O le tusi lenei ua mafai ona tuufaatasi uma ai gagana e lua, ina ia faafaigofie i le autusitala ona faitau ma manino ai, auā lava le silafia atili i le lipotiina o galuega a le Palemene.
Comments