O se aso e fa'agalo gata i le afioga ia Pepe Christian Fruen le aso Tofi 14 o Tesema 2023, ina ua asia le Toomaga mo e Puapuagatia e fa'ao'o iai meaalofa o le Kerisimasi i alo ma fanau o lo'o tomomaga i lea nofoaga.
O le fuafuaga lenei sa tapena iai Pepe ma le Digicel Samoa, o se vaega tupe o lana fa'amavaega malolo litaea o le 'a iai ofoina atu ai ni meaaalofa mo fanau i le To'omaga.
Sa agai atu le afioga ia Pepe ma le Pulega a le Digicel i Tuana'imato ma fa'aaoo iai le le meaalofa ao loma le Kerisimasi o lenei tausaga 2023.
O Pepe Fruen, ua fa'alauiloa lona malolo litaea mai ai i le tofiga fa'atonu o le Digicel Samoa ma le Pasefika ma o le tasi nei o ana miti ina ia fai sona sao e aloa'ia ai lana malolo mai i le mae'a o le silia ma le 10 tausaga o tautua i le kamupani tau fesootaiga i Samoa ma le Pasefika.
Saunoa le afioga i le Peresetene o le Fa'alapotopotoga a le To'omaga ia Siliniu Lina Chang e fa'afetaia le afioga ia Pepe ona o lona manatu alofa ia alo ma fanau sa feagai ma sauaga ma ua toomaga atu i lea nofoaga.
O lagona o le misia na fa'aalia e le Toomaga, ona o se tasi nei o tamali'i na molimauina lona lagolago mai lava i le amataga o le fa'avaeina o le Toomaga i le 2005 se'ia oo mai i lenei taimi e pei fo'i ona iai ni faigapa'aga ua maea fa'ataoto i le 10 tausaga talu ai ma le Kamupani a le Digicel Samoa.
O moomooga alofa ma alofa'aga molipo a le Peresetene sa tuuina atu ia Pepe i le mae'a ai o lana tautua i auaunaga tau fesootaiga i Samoa ma le Pasefika.
Commentaires