28 Oketopa 2022
PC: Facebook Government
O le fa'amoemoe ua fa'aigoaina o le Star of Oceania 2022 ua fa'amanuiaina ai le afioga i le Minisitā o Fa'ato'aga ma Faigafaiva ia La'aulialemalietoa Polata'ivao Schmidt e pei ona filifilia ai ia i le aso 17 o Oketopa 2022 i Hawaii o se tasi o sui ua mauaina lenei fa'ailoga maualuga.
O lenei fa'ailoga o se amana'ia lea o le taulāmua a le afioga ile Minisitā i lana ta'ita'iga i le tulaga o le finauina lea ma le fa'alauiloaina o Sāmoa ‘o sē tasi o atunu'u o le lalolagi e maualuga le tūlaga o atina'e 'ulu.
O le Aso 17 na filifilia ai le Minisita ‘ae o le aso 27 Oketopa 2022 na taua'aoina ai lenei fa'ailoga taualoa.
O le fa'amoemoe lenei o le Star of Oceania o se fa'amoemoe fa'aletausaga e pei ona amata mai i le tausaga e 2006 e le vaega o Polokalame fa'a Pisinisi i le Iunivesite o Hawai'i.
O Samoa o se tasi o atunu'u o lo'o maualuga lava ana fa'alauiloa i le maketi ina lea o fua fa'ato'aga ma le va'ava'ai i auala ese'ese e fo'ia ai fa'afītāuli o lo'o a'afia ai fa'atoa'ga.
ความคิดเห็น