Fa'amālōlō lē tumau le ali'i ofisa i le tu'uina atu o telefoni i Pagotā.

Ianuari 18, 2023.

Ua fa'amālōlō lē tūmau se ali'i Ofisa e galue i le Flepuipui i Tanumalala ina ua lipotia e ni isi o le aufaigaluega lona tu'uina atu lea iai o se telefoni i Pagotā o lo'o tuli fa'asaga i le falepuipui e fai ai a latou telefoni.

O le fa'amālōlō ai lē tūmau o lenei ali'i Ofisa o se tūlaga masani pe ‘afai ua maua pe masalomia e faia ni gaioiga fa'asolitulafono, ae ia fa'agāsolo ai su'esu'ega a le matāgaluega o leoleo.

O le nei sueusega o le 'ā mafai ona su'esu'e ai pe o iai ni isi fo'i o tagata faigaluega i Tanumalala o lo'o faia lenei tulaga o le tu'uina atu lea o telefoni i Pagotā.

Na toe fa'amanino e Papāli'i, e lē mafai ona tu'uina atu i se tagata ua fa'amaonia sana soligatulafono se telefoni po'o se mea faitino ona o tūlaga lava mo le saogalēmū; ma e iai lava tūlaga ua māe'a lava ona fa'ata'oto ma fuafuaina pe 'afai e fia fai se telefoni e talanoa ai i se lōia po'o le 'āiga fo'i.