Fa’asalalau le avanoa o le faiaoga ulu mo le Manu Samoa.

Tusia e Lauano Demetrius Ah Mau

O le taeao nei lea ua agiga ai luga o upega tafailagi se pepa o fa’amatalaga mai le ofisa tu totonu o le Lakapi Samoa le sailia ai o se tasi e fia avea ma faiaoga ulu o le Manu Samoa 15. O lenei avanoa e agava’a ai ma nisi o lo’o aumau i atunu’u i fafo ma o lo’o fia avea ma faiaoga ulu mo le ‘au ale atunu’u.

O le tausaga e 2020 na tofia aloaia ai e le Iuni Lakapi a Samoa Vaovasamanaia Seilala Mapusua e avea ma faiaoga ulu mo le Manu Samoa a’o fa’asauni ai mo le ipu o le lalolagi i le tausaga 2023.O Seilala Mapusua mai le afioaga o Moto’otua ua loa lana tautua i ‘au a le atunu’u, o se tasi o sui filifilia o le ‘au a le Manu Samoa i le tele o tausaga ma na ta’aalo fo’i i kalapua i totonu o Niu Sila e peiona iai le kalapu lakpi a le Highlanders.

O le Manu Samoa o lo’o fa’atulaga mai i le tulaga 14 i le fa’atulagaina o ‘au uma a le lalolagi pea fua iai ile i le ipu o le lalolagi i le tausga ua mavae, ma o le ta’aloga mulimuli a le Manu Samoa a’o i lalo o le ta’ita’iga a Vaovasamanaia Seilala Mapusua o le ta’aloga ma le ‘au a Enelagi lea sa malolo ai i ‘ai e 17 ile 18.

O le aso 8 o le masina o Mati i le tausaga le itula e 5:00pm o le ‘a fa’agata uma ai tusi talosaga mo e o lo’o fa’aulu a latou tusi talosaga mo lenei tofiga taua i le ‘au a le atunu’u