Fa'atautō le sui Komesina o leoleo ma ni isi leoleo sinia e avea ma lōia.

PC: Eugenia Taua.

O le asō, Aso Lulu 27 Mati 2024, ua ausia ai e le Matagaluega o Leoloe, Falepuipui ma le Ola Toefuata'iina se isi o la'asaga, e pei ona aloa'ia ai nei le susuga i le Sui Komesina ia Papālii Monalisa Tiai Keti, Komesina Lagolago ia Galumalemana Eneliko Taeu ma lona tuafafine o le tamaitai leoleo asiasi ia Apaula Taeu e avea ma lōia.

O i latou nei e toatolu e agai mai i le nuu e tasi i Savaii, Sapapāli'i.

O le afioga i le Faamasino Sili iā Satiu Simativa Perese, faatasi ai ma le Lōia Sili ia Su'a Hellene Wallwork sa molimauina le faatautoga a i latou nei.

Sa vaai le mamalu o 'āiga, sa auai e molimauina lenei sauniga faapitoa o le faatautoina o i latou nei.

Na faamanatu foi e le Faamasino Sili le tāua o le avea ma lōia, ae ia manatua ona sa'o ona fai o faaiuga auā le atunuu lautele.

O le susuga ia Papalii Monalisa Tiai Keti, o le uluai tamaitai nei ua umia se tofiga Sui Komesina o leoleo a Samoa.