Ile taeao ole aso Lua a’o faagasolo le faatalanoaina o mataupu ile fono ale Palemene, na tapa ai ele afioga ile fofoga fetalai le sui ale itumalo faapalota Vaimauga 1 ina ia tulai e faamaualalo ile palemene o Samoa male Palemene ona o nisi o tulaga o amio taupulea lea na aveese mai ai le sui lenei mai ile palemene ile fono talu ai.
Na tulai le afioga ile alii faipule ia Sulamanaia Tauiliili Tuivasa ma ave le faamaualaloga ile atunuu aemaise ole palemene mamalu a Samoa.
Ile faatula’I ese ai ole sui o Vaimauga 1, ona o finauga sa iai le palemene I sui mamalu ao faagasolo galuega ale fono talu ai sa valavalaau ai lenei sui ini lafoga sa manatu ai le taitai ale atunuu ose amioga ua soli ai nisi o amioga tauoloa ale palemene lea sa faatuina ai loa le lafo ale tamaitai palemia o Samoa Hon Fiame Naomi Mata’afa ina aveesea mai le sui I fafo mai ilea aso fono.
Ua toe faamanatu mai ai le afioga ile fofoga fetalai mo soo se isi sui ina ia tautuana amioga tauoloa ale palemene o Samoa.
Comments