8 Novema 2022
Ua fa'asalaina le Kapeteni a le Toa Samoa ia Junior Paulo, e le mafai ona ta'alo i le ta'aloga e tasi ona ose gaioiga sa ia fai i le taimi o le taaloga ma Toga i le vaveao o le Aso Gafua.
O le fa'aogaina e Junior Paulo o lona tapu lima(forearm) e taia pe te'e ai le alii o David Fifita i le ta'aloga ma Toga ua faia ai se fa'ai'uga a le laulau a fono o le Lakapi Liki ina ia fa'amalolo ai mo le tasi le ta'aloga, o lona uiga o lea le mafai ona ta'alo Junior Paulo i le uluai Semi Final a le Toa Samoa i le ipu o le lalolagi.
O le isi tama ta'alo a le Toa Samoa, ua i lalo nei o le mea va'ai a le Lakapi Liki, o le susuga ia Joseph Suaali'i.
O Suaali'i ua iloilo nei fo'i e le lakapi liki sana gaioiga i lona tu'u ina i luga o ona tulivae i le taimi na pu'e ai e Toga.
O lo'o talia se lipoti o lenei iloiloga i le mata'upu a Joseph Sualii.
O Samoa o le'a iloilo ma Enelagi i le Aso 12 Novema 2022 i lana uluai Semi Final i se ipu o le lalolagi.
Comments