4 Oketopa 2022
O fa'alogona o le fiafia na fa'alia e alo ma fanau o le afio'aga ‘o Mulifanua i le aso To'ona'i ina ua latou mauaina se meaalofa mai i le Faletupe Ale Pasefika (BSP) ma le Rotary Club.
O nei meaalofa o uila vilivae mo fanau laiti e tauala mai ise fa'apa'aga ma le faletupe o le B.S.P ma le Rotary Club i Samoa nei.
O le tulaga lava fo'i lea na iai lagona 'o le afio'aga i le fa'agae'etia ona ona o le fesoasoani a nei kamupani tetele aua fanau iti.
O le toe tasi ai o le vaiaso ona fa'amanatu lea e Samoa ole Aso mo fanau 'ae ua maua ai nei fanau nei meaalofa ma oni fa'amanuiaga 'e le 'aumaua.
O le afioga i le Pule o le faletupe o le B.S.P ia Jennifer Fuen ma lana aufaigaluega fa'atasi ai ma le Peresetene o le Rotary Club ia Situfu Salesa ma sui 'auai na fa'apena ona latou tau'a'aoina atu nei meaalofa mo alo ma fanau o le nu'u o Mulifanua.
Na momoli fo'i le fa'afetai a le susuga i le Fa'afeagaiga ia Rev Hemi Fa'atonu i kamupani nei ma ia fa'amanuia ai ona o galuega alofa ma le fesoasoani o lo'o fa'atinoina aua Samoa.
Comments