Ua 'aumai fa'afautuaga e le Ofisa o le Va'aitau lapata'iga ma fa'amatalaga fa'apitoa o uiga louloua o le tau ua iai nei Samoa.
O le taeao nei ua fa'aalia ai i le lipoti lata mai a le Ofisa o le Tau, le iai o Samoa i Fatuaga ma Fa'amatalaga lona 20 o uiga louloua o le tau i gataifale uma o le atunu'u.
Ua fa'amalosi fautuaga mo gataifale uma o le atunu'u, ma e ao ona usita'ia e tagata faifaiva uma aua le saogalemu, e fa'apena fo'i i tagata e aga'i mo ta'elega.
I le lipoti na fa'amauina i le ta o le 5am i le vaveao o le Aso Faraile 20 Oketopa 2023, "O peāu mamafa o le ‘ea i Saute-i-Sasa’e o le Atu Kuki o lo’o ‘aumaia pea uiga souā o le sami fa’apea savili e feololo le malolosi o le Tuā’oloa i luga o ‘ogāsami o Samoa. O fa’amaumauga o le taeao nei o lo’o atagia ai le maualuluga o galu ma āuma e o’o atu i le 2.5 – 3 mita. O nei uiga o le tau o le ‘ā tumau pea ona a’afia ai le atunu’u mo le asō aga’i atu i le fa’ai’uga o le vaiaso, ma āfua ai le fa’amalosia pea o fautuaga mo ‘ogāsami uma o Samoa.
O a'afiaga o Samoa e pei ona fa'ailoa e le Ofisa o le Va'ai Tau i se latou lipoti i lenei taeao, e 'a'ave ma tatafe ma e sousou o le sami aemaise e puaoa.
"A’afiaga e ono ālia’e mai: E ono feololo le malosi ma fa’ata’uta’u savili o le Tuā’oloa. E a’ave, tatāfe ma sousou le sami ma e puaoa i taimi e timu ai".
I le lipoti talu ai a le Ofisa o le Tau o lo'o valo'ia ai ni isi o matagi e ono iai le avanoa e aafia ai Samoa.
Commentaires