Na feiloai le Failautusi Aoao o Malo 'Aufa'atasi ia António Guterres ma le Palemia o Samoa ia Fiamē Naomi Mata’afa i New York a'o iai le tama'ita'i Palemia i Amerika mo fonotaga a malo 'aufa'atasi.
O lea fonotaga ua fa'aigoaina o le Alliance of Small Island States sa auai ai sui o malo o le Pasefika, ma o le itu sa fa’amamafa i le saunoaga a le Palemia o Samoa; o le taua lea o le galuega fai a tupulaga talavou ma tama'ita'i lea o lo'o taulamua ai i galuega fesoasoani i suiga o le tau ua a'afia ai atumotu laiti o le pasefika.
O le Failautusi Aoao o Malo 'Aufa'atasi ma le Palemia na felafolafoai manatu i le manaomia o le faateleina o le lagolago faavaomalo mo le atinae ma le faatupeina o manaoga o Samoa, aemaise o atinae e mafai ona gafatia le tau, faasao mo gataifale ma le toe faaleleia o le si'osi'omaga ua aafia ona suiga ma'ale'ale o le tau.
Na 'ave le fa'amalo a le Failautusi Aoao i le taitaiga a Samoa i le agai i luma o le galuega fesoasoani mo mata'upu o lo'o talanoaina ai vaifofo mo suiga o le tau.
Comments