O le fiafiaga tele i le asosi o laufali lakapi a Samoa le fa’amanuiaina o se tama’ita’i laufali e malaga ma auai atu i se ta’amilosaga fa’avaomalo i le atunu’u o Ausetalia.
E le gata e maua avanoa mo ali’i ma tama’ita’i ta’aalo ae o lo’o iai fo’i avanoa mo laufali a le atunu’u e auai atu ai i ta’amilosaga fa’avaimalo ma le fa’amoemoe ia fa’alauaitele le tomai ma le agava’a i le fa’atonufolauina ma le fa’afoeina o ta’aloga lakapi i totonu o Samoa.
O se ulua’i taimi lenei ua filifilia ai le tama’ita’i laufali a Samoa o Hani Isamaeli i avanoa taua e pei ona filifilia ai e auai atu o ia o se tasi o vaega laufali e fa’atautaia ma fa’afoeina ta’aloga o le ta’amilosaga lakapi 15 fa’avaomalo o le Oceania Rugby Women’s Championship i Brisbane Ausetalia.
O le ta’amilosaga lakapi lenei a tama’ita’i e aofia ai Samoa, Fiti, Toga ma Papua New Guinea ma e fa’atino i tausaga ta’itasi, o se ‘au e siamupini mai i le ta’amilosaga lenei o le ‘a agava’a ma mautinoa le avanoa e auai atu ai i le ipu o le lalolagi o le lakapi 15 a tama’ita’i mo le tausaga fou 2025.
Kommentare