O lu'itau sa feagai pea mo 'Aiga i le Tai i motu o Manono ma Apolima Tai i le pogisa ona laufanua pe 'a o'o i taimi o le po, o lea ua tali e ala i le agalelei ma le fesoasoani a le malo tele o Ausetalia.
O le polokalame ua fa'aigoaina o le Direct Aid Program a Ausetalia lea e tauala mai ai lenei fesoasoani mo motu e lua o 'Aiga i le tai. O le poloketi e aofia ai mōlī e 45 mo le motu o Manono Tai e aofia ai ma le uafu ae e 5 mōlī mo le motu o Apolima Tai.
O le penefiti o lenei poloketi mo le lautele, ina ia mautinoa e saogalemu tagata, fa'aaogaina o malosi'aga fa'afouina ma 'ia maua le malamalama mo feoa'iga a tagata.
O le sui o le Malo o Ausetalia i Samoa Emily Luck, na malaga atu i nei motu e lua ma le sui o le Itumalo ia Auapa'au Mulipola Aloitafua e fa'aoo atu lenei fesoasoani.
Saunoa le Komesina Maualuga o Ausetalia, o le maitau pea i suiga ma'ale'ale o le tau ia mautinoa ai le galulue malosi so'oso'otau'au o tagata o le atunu'u ma pa'aga fa'alemalo ina ia fesoasoani i le fga'amalosia o auala e tau tu'uitiitia ai a'afiaga o le siosiomiaga ona o suiga o le tau.
Sa fa'afetai e le sui o le Itumalo le lagolago ma le fesoasoani a le Malo o Ausetalia.
Comments