Tauaaoina o le foai a Tuiaopo i le Manu Samoa/ Fuimaono Aloalii.
E $5000 talā se siaki tupe na tauaao e le afioga ia Tuiaopo Andrew Ah Liki i le susuga i le faiaoga ulu o le au lakapi taitoafitu le Manu Samoa ia Muliagatele Brian Limā ma le faiaoga lagolago, e fesoasoani ai i tapenaga o le 'au aua taaloga o loma e saili ai le avanoa mo le Olimipeka i le tausaga 2024.
O lenei fesoasoani na tauala mai lea i le alii pule o le Bluebird Lumber and Hardware i Samoa.
O le afioga ia Andrew Ah Liki, o se faipisinisi lauiloa i Samoa, ma e tele ina fesoasoani i atinae eseese tau i taaloga i e atunuu.
I le lua masina talu ai, na amata ai tapenaga a le Manu Samoa 7s i toleniga masani ae o le faamuamua o taaloga o le Oceania i Brisbane-Ausetalia i le aso 10 i le 12 o Novema 2023. O taaloga nei a le Oceania e sailia ai foi ma avanoa e saofagā ai mo le Olomipeka i le tausafa fou.
O le taulai ma le faamuamua a le susuga i le faiaoga ina ia tapena avanoa e saofagā ai i le Olimipeka, ona e lei iai lava se tausaga na sao ai Samoa i lea la'asaga.
Commentaires