Galulue le Pulega o Fela'uaiga o le Laueleele(LTA) i le fa'aleleia o auala ta'avale mo Upolu ma Savai'i.

O auala ta'avale o se tasi o fa'afitauli ua leva ona feagai feagai ma le atunu'u i tausaga e tele e le gata i le fa'afaigata o femalagaiga a tagata mai nu'u i tua aga'i i le taulaga o Apia aemaise ai o le aga'i atu i Apia mo le malae va'alele fa'avaomalo i Faleolo, o Upolu fa'apea ai ma Savai'i sa fa'aitete gata ai le mamalu lautele o le atunu'u i le fa'aaogaina o ta'avale talu ai o le fa'aletonu o auala ta'avale.

O le tula'i mai o le faigamalo i lona paeaiga muamua ua tele suiga fou ua iai aemaise lava i le fa'aleleia o auala ta'avale aua le femalaga'aiga a le atunu'u e ele gata i le taulaga fa'apea ai nu'u ma itumalo i tua ae o le tala fiafia o lo'o galulue punoua'i le LTA i le fa'aleleia o auala i Upolu fa'apea ai ma Savai'i e pei o le agana ''o le mea e lelei mo Upolu e lelei fo'i mo Savai'i.''

O se va'aiga maoa'e le auala ta'avale i le aga'i atu i Apia mo le malae va'alele fa'avaomalo i Faleolo e pei ona maea ai le toe suaina ma le toe fa'aleleia ua va'aia le vave ona taunu'u mai i le taulaga pea malaga mai i Faleolo aemaise ai o tagata e aga'i atu i Apia, ua fa'aititia ai ma le poloka o ta'avale i taeao i le alausu i galuega ma le afiafi i le toe fo'i aiga.

O lo'o tatala le avanoa e aia tutusa uma iai konakarate faiauala a le atunu'u e tusi talosaga ai ma fai ai fefa'atauaia i tau o konakarate ma galuega o le fa'aleleia o auala ina ia tutusa ai kamupani tuto'atasi ma konakarate a le malo i lea tulaga.

O le fa'aleleia o auala ua tele lona taua e le gata i le fesoasoani tele i le femalagaa'i a le mamalu lautele o le atunu'u, ua leai se toe poloka i luga o le auala ua sefe ai fo'i ma le taimi ae o se penifiti fo'i mo le kamupani ma konakarate faiauala aua le atina'eina o pisinisi ma galuega.

O nisi o poloketi ua maea ona fa'ataunu'uina e ala i le fa'aleleia o auala.

1. Auala Sima i Vaisigano(Vaisigano Bridge)

2. Mali'oli'o Bridge Samalaeulu

3. West Coast Road Malua to Faleolo.

O lo'o i lalo o le ta'ita'iga a le afioga i le Minisita o Galuega Tetele a le Malo Hon. Olo Fiti Afoa Vaai le Pulega o Fela'uaiga o le Laueleele