O le asosi a tama ma teine tuai a le Malisi o se tasi o asosi malosi i totonu o Samoa e ala i le fa'amaopopoina o le kolisi o Sagato Iosefo i Alafua, e pei ona iai le fesoasoani tele i le atina'eina o le kolisi i tulaga ese'ese e aofia ai ta'aloga ma aoga.
O se tasi o ivitu a le kolisi o Sagato Iosefo i le fa'agaioiga o fa'amoemoe uma a le kolisi ma ua tele le sao o le asosi e ala i le toe fa'afouina o le faleaoga ma le toe fausia o nisi o faleoga i totonu lava o lona laumua autu i Alafua, o le tulaga fo'i i fesoasoani tau tupe i le fa'atupeina o masini komepiuta ma le tele lava o foai e ala eseese mai i lalo o le fa'amalumaluga a le asosi o tama ma teine tuai a le Malisi mo le kolisi o Sagato Iosefo.
O le fa'amanatuina o le 100 a le Malisi i Samoa nei o se tasi nei o fa'amoemoega tele o lo'o laumanuia ma tapenapena iai le asosi i le tausaga lenei, ma o le autu o lenei fa'amoemoe ia ma'ea ane a ua lava ni seleni mo le toe fausia o se hall fou mo le kolisi aua polokalame fai ma le tele o tapenaga a le kolisi mo alo ma fanau a Samoa o lo'o a'otauina i totonu o le kolisi maualuga o Sagato Iosefo.
O se tasi o fale mai i fale e 4 ua vaevaeina iai tama ma teine tuai mai lavai taimi a'o a'otauina i le kolisi o Sagato Iosefo e pei ona iai le Darnard Avila, Alfred Deporres, Dieter Aquinas, Marcellin. O le 'au a le Darnard Avila lea ua agalelei i le tapeina o le 100 tausaga a le Malisi e tusa ai ma se foai tupe e $15,000 tala Samoa lea ua tauaao atu i le pelesetene ma le asosi a le Malisi aua le fa'amoemoe i le masina o Iulai i le tausaga lenei 2024.
Na saunoa le afioga i le pelesetene o le asosi ia Aumua Ming Leung Wai e fa'afetaia le lagolagosua ma le foai tupe ale Darnard Avila ua mautu ma tapena mautinoa ai le fa'ailogaina o le 100 tausaga a le Malisi aua e le ose fa'amoemoe la'ititi.
O le afioga ia Peseta Paulo Stowers o lo'o avea ma pelesetene o le lanu samama le Darnard Avila.
Opmerkingen