E le mo a'u ae mo le 'au atoa o upu ia sa saunoa ai le faiaoga ulu o le Manu Samoa i le fa'atalatalanoaga ma tusitala ina ua maea le ta'aloga muamua ma Italia sa manumalo ai a'o i lalo o lana ta'ita'iga muamua.
O le filifilia ma fa'ataalo muamua o nisi o ali'i ta'alo fou ma o lo latou taimi muamua lea ua filifilia ai e le Manu Samoa o le talitonuga lea o Mahonri ina ia si'itia le tulaga e ta'aalo ai Samoa ma ua o'o i le taimi e tatau ai ona o'o le filifiliga i alo ma fanau o lo'o foufou mai i le lakapi e pei ona ia le toatele o le 'au filifilia a le Manu Samoa e fa'asaunia mo ana ta'aloga faitaulia ma tapena atu ai i le ipu o le laolagi i le tausaga 2027.
O lea ua fa'asilasila fa'alauaitele mai e le Manu Samoa le lisi o le 'au o e ua filiflia o le a ta'aalo i le aso To'ona'i aso 13 o le masina o Iuni o le fa'iuga o le vaiaso nei i le ta'aloga ma le 'au a Spain ma e le'o iai ni suiga tele o le 'au pea fua iai i le 'au sa ta'aalo i le ta'aloga ma Italia o lea ua muamua le ali'i o Owen Niue o le tama ta'aalo o lo'o aumau i Samoa nei (local player) i le tulaga o le uigi po'o le numera 14 ma le ali'i o Melani Matavao ua muamua i le afa po'o le numera 9 fa'apea ai ma Murphy Taramai o le a ta'alo i le numera 7 mo lana ta'aloga muamua i le Manu Samoa.
Comments