Lagolago e La'aulialemalietoa Polataivao Fosi Schmidt le talosaga a Gagaeifomauga 1 mo le falema'i i Safotu.

I se vaega o le lauga a le afioga i le faipule o Gagaeifomauga 1 Hon. Faimalotoa kika Stowers na ia talosagaina ai le Minisita o le Matagaluega o Soifua Maloloina Hon. Valasi Luapitofanua Toogamaga Tafito Selesele i le mana'omia ai o se fesoasoani i le toe fa'aleleia o le falema'i i Safotu, e le gata i le falema'i ae o se fale mo foma'i ina ia mautu ma lelei ia vaega o le falema'i aua le tautuaina ma le auaunaga a le Matagaluega o Soifua Maloloina mo tagata lautele o le atunu'u i lea fo'i itumalo.

Na tula'i le afioga i le Minisita o le Matagaluega o Fa'atoaga ma Faigafaiva Hon. La'aulialemalietoa Leauatea Polataivao Fosi Schmidt ma fa'aalia ai lona lagolagoina o le talosaga a le afioga i le faipule o Gagageifomauga 1 mo le falema'i i Safotu ma o le poloketi o le falema'i sa amata mai lava i le tele o tausaga ua mavae ma na toe fa'amanatu ai i le minisita o le Matagluega o le Soifua Maloloina o lo'o iai le fale ae le'o atoatoa ma na toe fa'aopopo ai i le talosaga lona mana'oga i le faia o se fale maliu mo le falema'i i Safotu.