1 Tesema 2022
Ua 'auai le Kolisi o Sanele i fa'alauiloa mo le masina lenei o Aso e 16 o fa'ama'ite i ni 'auala talafeagai e fo'ia ai sauaga o fagai ma tina aemaise o fanau tama'ita'i.
O le polokalame fa'alauiloa ua fa'aigoaina o le 'Men and Boys Against Violence' na fa'avae ina e le To'omaga mo e Puapuagatia fa'atasi ai ma se fesoasoani a le malo o Samoa, ua va'aia ai nei i le nei vaiaso le tutu fa'atasi ai o alo ma fanau mai i le Kolisi a Sanele i Moamoa i se latou ata' fa'amatala tau a'oga ua fa'aigoaina o le 'Let Go and Let God Heal'.
O le fe'au autu o lo'o taumolimoli mai i le polokalame fa'alauiloa a le Kolisi, ina ia faailoa ni isi o fa'afitauli e pei o aafiaga o le soifua maloloina o le mafaufau ua a'afia ai fanau i loto'ifale o 'aiga.
I ni manatu mai tama tane talavou, o se fe'au e tauala atu lea i fanau talavou, aemaise ai lava o tama tane talavou; ina ia tautatala, fa'asoa i se uo fa'atuatuaina po'o le sa'ilia o auaunaga mana'omia o lo'o i Samoa.
O le 'auai ai la o tama tane talavou o le Kolisi a Sanele aemaise o le avea ai ma se vaega o lea fa'alauiloa o le 'Men and Boys Against Violence', o se fa'ama'ite ina ia a'oa'o tatou atali'i i le tausaga laitiiti ma fa'ailoa ai o Sauaga e le'o se gaioiga e leleima afai o lea latou iloa ia mea' o le mea mautinoa o le'a oo ai fanau i se taunu'uga lelei.
O le ata fa'amatala a le KolisI o Sanele ua fa'aigoaina o le 'Let Go and Let God Heal' ua iai le fa'amoemoe o le fa'alauiloaina i se taimi o lenei vaiaso.
O ni isi Kolisi Maualuluga o loo avea ma vaega o lenei fa'alauiloa, o Wesley College, Seventh Day Adventist School, Don Bosco, Alafaua ma le Kolisi o Tuasivi i Savai'i.
O nei umaa Kolisi e 5 ua mae'a ona pu'eina latou ata fa'amatala mo le 16 aso o le sa'ili fofo o fa'afitauli o Sauaga.
PC: Government of Samoa (SVSG)
Comentários