20 Setema 2022
Ua fa'alauiloa nei se ripoti ale Ofisa o Numera F'amauina i Samoa i le fuainumera o tagata malaga mai i Samoa talu ona toe tatala ana tua'oi fa'avaomalo i le aso 1 o Aukuso 2022.
O le ripoti lenei ua maitauina ma molimauina ai le televave o le aga'i i luga o le fuainumera o tagata ua asia Samoa i le tasi le masina ua tuana'i.
E 9,456 tagata na taunu'u i Samoa ia Aukuso o tagata malaga mai i atunu'u e 7 o le pasefika.
O Niu Sila o lo'o fa'amauina le maualuga o fuainumera o tagata, e 6,631 lona aofa'i ae e 3,806 o tagata e umia tusifolau Niu Sila mai i lena aofa'i.
O Ausetalia, Fiti ma Amerika Samoa e 1,332, o Amerika e 658 ua fa'amauina, o tagata mai i Saina e 142 ma le 693 ma i nisi atunuu ole lalolagi.
Ua lata i le 3 tausaga talu na tapunia Samoa i malaga fa'avaomalo ona o a'afiaga ole Koviti 19 se'ia tau mai i le aso 1 o Aukuso 2022 ina ua toe tatala ai malaga fa'avaomalo mo le lalolagi e afea Samoa.
I le lua tausaga talu ai na molimauina ai le tifa-to o le tamao'aiga o Samoa aemaise lava o atina'e tau turisi i fale talimalo ma mata'aga, ae ole luitau tele foi i le fa'atupula'ia o tagata na le toe maua ni galuega mai i lena vaitaimi.
O lo'o fa'aauauina pea le tele o fa'alauiloa o lo'o nafa lea ma le ofisa o tagata tafafao maimoa mai fafo ina ia toe maketi atili atu Samoa i le lalolagi.
Commentaires