Fepulea'i Faimata Su'a- Faipule Salega 1.
Ua māe'a tuuina atu le tusi a le afioga i le tamaitai Palemia, Fiamë Naomi Mataafa i le Minisita Lagolago o le Matagaluega o Leoleo ma Falepuipui ia Fepuleai Faimata Su'a, ina ia faamavae mai ma lea tofiga.
O le laumanu'ia ai o le suafa o lea faipule i mataupu, sa malaga ai i Amerika Samoa e aunoa ma se Pemita ae taumafai ai e faaaoga faasolitulafono le tusifolau a le mālō(Diplomatic Passport), na tulai mai ai se feteenaiga ma na oo mai ai le lipoti i le afioga i le Palemia.
O le susuga ia Fepulea'i, sa faasala foi i le $100 ina ua lavea ai le taavale a le mālō sa fealuai ai i le tausaga ua mavae.
Sa taumafai atu le tatou auaunaga peitai e lei tali mai le alii faipule i le tusi atu iai.
Ae o lipotia e le Samoa Global News, e lei feiloai le faipule ma le Palemia e tusa o lea mataupu.
O loo tumau pea le avea ma faipule o Salega 1 ae ua le toe avea ma Minisita Lagolago o le Matagaluega o Leoleo ma Falepuipui.
Коментари