Leai se soifua ma'imau ina ua lavea le ta'avale a se ulugali'i ma le fanau e to'a 6.

8 Tesema 2022.

E le'i iai se soifua na ma'imau i se fa'alavelave tau ta'avale afi na tula'i mai i Safa'ato'a-Uta i Lefaga pe tusa lea o le itulā e 6am i le taeao lenei o le Aso Tofi 8 o Tesema 2022.

O lenei ta'avale e faapea se tala a le tatou pa'aga, o le ulugali'i ma si ā la fanau e to'aono na malaga e faa'anatimati atu i Pesega ae peita'i ua faigata ona fa'atonutonu i le pi'oga tū lenei ma ta'avalevale ai.

O lo'o manunu'a tamaiti ma le ave taavale, e leai nisi ua fa'amonia sa maliliu ai i lenei fa'alavelave.

E pei ona tā'ua e le pa'aga, ua tele lava ta'avale ua lavevea ai i le nofoaga lenei ona o le pi'o tū o le vaega lenei o le auala.

E iai le lagona ma le talitonuga o le pā'aga e saoasaoa le ta'avale na mafu i ona ta'avalevale aemaise ai fo'i o le māse'ese'e o le vaega lea o le auala ona o timuga.