O le asō (Aso Tofi 9 Me) na lauina ai le i'uga a le Faamasinoga Maualuga a Fiti, e tusa o faasalaga mo lē na avea ma Palemia talu ai ia Frank Bainimarama ma le Komesina o leoleo foi sa iai o Sitiveni Qiliho.
E tasi le tausaga ua falepuipui ai Bainimarama ina ua faamaonia lona moliaga o faiga pi'opi'o na ia faaaoga ai lona malosiaga ao avea ma Palemia, na ia taofia ai suesuega faatatau i mataupu tau seleni a le Iunivesitē o le Pasefika i Saute.
O le komesina talu ai o Sitiveni, lua tausaga ua falepuipui ai ona o moliaga ua faamaonia i lona faaaogaina lea o le malosiaga e faia ai se faaiuga solitulāfono(Abuse of Office).
Na molimauina le taitai mai fafo o Bainamarama ma Sitiveni ina ua maea le faaiuga a le Faamasinoga ao saisai o laua lima i filifili, ma sa feiloai atu i o laua aiga ao lei auina atu i le falepuipui e tuli ai o laua faasalaga.
Sa vaaia le loimata maligi o aiga ma ni isi o le atunuu i fafo o le potu faamasino ina ua maea le tolaulauga o le faaiuga a le Faamasinoga.
O Frank Bainimarama, e 15 tausaga sa tulai mai ai i le tofiga Palemia mai le 2007 i le tausaga e 2022, ma ua 70 ai nei tausaga o lona soifua.
Komentar