Malaga le Ao o le Malo ma le Masiofo i le maliu o Queen Elizabeth.

13 Setema 2022

Ua mautinoa nei le malaga ai ole Ao o le Malo o Samoa le afioga ia Tuimalealiifano Va’aleto’a Sualauvi II ma le Masiofo i toe sauniga o le tu’umalo ai ole tupu tama’ita’i o Peretania ia Elisapeta.

O le faigamalaga a le Ao o le Malo o le’a saunia ma tapenaina e le malo o Ausetalia e ala ise va’alele fa’apitoa e lele sa’o atu lava i Samoa aga’i atu i Peretania tele.

O lea foi ua faamaonia o le ’a malaga fa’atasi le Ao o le Malo o Samoa ma le failatusi o le ofisa a le Palemia ma le Kapeneta ia Agafili Shem Leo.

O toe sauniga o le tupu tamaitai o Peretania o le ’a faia lea i lea so 19 o Setema po'o le Aso Gafua i le taimi Samoa.

O le sauniga mulimuli o le tuumalo ai o Elisapeta o le ’a mafai ona auai uma le tele o taitai iloga o le lalolagi, i le tuua ai e Elisapeta o lona malo ua sui tulaga ai nei lana tama sa avea ma Perenise o Uelese ia Salesa ile ‘avea ai ma tupu o Peretania tele aemaise o Malo o taupulega ae ua se’e ane nei le alo o Salesa ma Diana o Williams e avea ma Perenise o Uelese.