Photo Supplied: Marist Boxing - Samoa
O le vavaeao o le aso Sa na se’i mavae atu nei, na tu’u va’a atu ai alo ma fanau o le kalapu fusu a le Marist Boxing e auai atu i nisi o ta’amilosaga fusu o le a fa’atautaia i totonu o Hasting i Niu Sila i le vaiaso nei.
O le toatele o alo ma fanau ua filifilia mo lea malaga i Niu Sila e i lalo o le 17 i le 18 tausaga le matutua, ma o se ulua’i taimi fo’i lenei o nisi ua filifilia ai i ni malaga e masi’i ese atu ma le atunu’u, tuua ai o matua ma aiga, aemaise e le’i faigofie ona o le vaveao o le Aso Sa o Tinā sa malaga atu ai mo Niu Sila.
Na momoli le agaga faafetai o matua o nei alo ma fanau ua filifilia e auai atu i ta’amilosaga fusu i Niu Sila, i le kalapu fusu a Malisi ona o le maua ai o le avanoa e fa’alautele ai le tomai o alo ma fanau i le fa’atinoina o le ta’aloga o faipelega auā au a Samoa i ta’aloga fa’avaomalo.
Marist Boxing Team List.
1. Saliuafi Tuautu (Middle Weight)
2. Lamont Alofipo (Banta Weight)
3. Lasi Tuna (Heavy Weight)
4. Mike Vui (Light Weight)
5. Daniel Alofipo (Light Weight)
6. Darius Poulava ( Light Weight)
Head Coach: Ta Vui Mike Lemisio
Assistant Coach: Vui Kelemete Vui
Spiritual Advisor: Alofipo Kent Malaeimi Alofipo
Manager: Vaelua Tagaloa Roebeck"
Comentarios