Ua tu'u va'a atu nei le 'au ta'ito'a fitu a tama'ita'i o le Manusina o le a fai ma sui o Samoa i le ta'amlosaga o le a faia ai Monaco o le Olympic Qualifier.
O lenei ta'amilosaga o le a saili ai se avanoa o 'au uma le a tausinio ai mo le ta'amilosaga tele o le ta'ito'a fitu mo le itupa o tama'ita'i i le olimipeka i le tausaga nei, lea o le a auai atu ai le Manusina mo so latou avanoa i lea fo'i ta'amilosaga tele i le lalolagi.
O le 'au a le Manusina Sevens ua leva ona tapena mai ma o tama'ita'i o lo'o filiflia mai lava i kalapu ta'ito'a fitu a tama'ita'i i totonu o Samoa lava e pei ona iai le tele o ta'amilosaga ta'ito'a fitu sa fa'atinoina i tua i Iuni lakapi a Itumalo fa'apea ai ma ta'amilosaga a le Lakapi Samoa.
O lo'o ta'ita'ia lenei aumalaga e le afioga le ta'ita'i malaga ia Tauiliili Lerissa Fong fa'apea ai le lagolagosua a le susuga i le faiaoga ulu ia Auimatagi Sapani Pomere fa'apea ai le pulega ia Toflau Avii Fa'alupega ma Taimalelagi Elvera Lam.
Comments