Maliu le alii faipule o Efeso Collins a'o iai i se fa'amoemoe tāua i le taeao nei.

O le taeao nei o le Aso Lulu na maua ai se tala faanoanoa i le maliu ai o le alii faipule o le Green Party.

E faapea le tala, sa auai atu le susuga ia Efeso Collins i se tasi o faamoemoe saili tupe ua faaigoina o le ChildFun Water Run, e saili ai se seleni e fesoasoani i tagatanuu o le Pasefika i Niu Sila.

O loo lipotia, na faafuase'i ona matapogia ma pa'ū le alii faipule ao faagasolo lenei tamoega.

O le tausaga e 2022 sa tauvā ai Efeso mo le pulenuu o Aukilani aepeitai e lei manuia lana taumafai.

O le tausaga na tea nei 2023, na faalauiloa ai le avea ma faipule o le patī a le Green.