O le taeao nei ua usuia ai le fono usu a le palemene o Samoa e pei ona iai le talanoaina o le tala o le tupe mo lenei fo'i tausaga fa'aletupe.
Na ta'imua i lauga o le taeao le afioga i le faipule o le sui ta'ita'i fo'i o le itu agai le afioga ia Fonotoe Lauofo na ia saunoa ai i le taua o le fuafuaga o le a fai a le malo i le tu'ufa'atasia uma o fale ta'aalo ma malae ta'alo a le malo i lalo o le matagaluega fou a le malo lea ua maea ona fa'atuina le Matagaluega o Ta'aloga lea ua tofia ai le afioga ia le faipule Hon. Laumatiamanu Ringo Purcell e avea ma minisita e ta'ita'ia le matagaluega.
Ua fa'aalia ai le lagolago o le afioga ia Fonotoe o lea tulaga ma lona naunautaiga ina ia aumai uma ai alo ma fanau a Samoa o lo'o iai le taleni i so'o se ta'aloga ina ia atina'e ma maua ai avanoa fa'asikolasipi i so'o ta'aloga aua le taumafaiga ia maualuga le fa'atinoina o ta'aloga pea avea ma ave fu'a a Samoa mo ta'amilosaga fa'avaomalo.
Sa ia saunoa ai i le tulaga ua iai le au lakapi a le atunu'u atonu o le auala lea o le a fesoasoani ai i le toe una'ia o le aulakapi ma au ta'aal uma a le atunu'u.
Kommentare