O lea ua tu'u va'a atu le tatou au a le Manu Samoa 7's mo ta'aloga o le olimipeka i Pale i Farani ma ua mae'a fa'asalalau fa'alauaitele ai le filifliliga a le susuga ia Muliagatele Fata Brian Lima ma lana pulega i ali'i ta'aalo e 14 o le a fai ma ave fu'a a Samoa mo le ta'amilosaga ta'ito'a fitu o ta'aloga o le Olimipeka i le tausaga nei.
O le afioga i le tama'ita'i palemia le afioga i le sa'ofa'apito ia Fiame Naomi Mataafa na fai ma sui o le malo e momoli se fa'amalosi 'au mo ali'i ta'aalo ua filifilia ae le'i tuua Samoa, na saunoa le tama'ita'i palemia na ia apoapoa'i ai ina ia fa'amoemoe mea uma ma le tapenaga i le Atua e taunu'u manuia ai le fa'amoemoe.
O ta'aloga ale Olimipeka o lo'o taoto ai faiga fa'avae a le malo o Samoa i se tagata ma so'o se ta'aloga e maua mai se pine auro mo Samoa o le 'a fa'amanuiaina i le seleni e $100,000 mai le malo ma o se lu'i fo'i lea i tagata ta'aalo uma a Samoa lea ua masi'i atu i le Olimipeka ina ia finau mo se pine auro mo Samoa.
Comments