O le taeao nei na fa'atino ai le fa'afotu tupu o le suafa Tagaloa ma o se tasi o suafa taua i totonu o Samoa ma na amanaia ai e le aiga o le susuga i le kapeteni o le Manu Samoa ia Theodore McFarland lona tagata e fa'ae'e iai le suafa Tagaloa.
Sa auai atu iai nisi o sui o le pulega o le Manu Samoa ma molimauina lenei fa'ammoemoe taua e ala i le tapaina o le ipu a le afioga ia Tagaloa Theodore McFarland.
O le ali'i o Theo ua iloga i lana tautua i le 'au a le Manu Samoa e ala i le ta'ita'iina o le 'au mo ana ta'aloga e lua ua maea lea sa manumalo ai ma o se tagata e tulaga ese lana ta'ita'iga ma le amio pulea i totonu o le 'au na saunoa le faiaoga ulu o le Manu Samoa i le taimi ua mavae o Theo McFarland ua agava'a mo le ta'ita'iga o le 'au amata atu lava i le tausaga lenei ma sauni ai mo le ipu o le lalolagi i le tausaga 2027.
O le taua o le amio pulea ma le fa'atinoina o tofiga fa'ata'ita'i i le avea ai ma kapeteni o le Manu Samoa 15 lea ua amanaia ai e tauaveina suafa taua o aiga ma nu'u ma e iai le upu fa'amaoni i mea iti e tofia ai e pulea i mea tele, mai i le kapeteni i le i le Manu Samoa i le tofia e ta'ita'i le aiga aua se manuia mo a taeao.
Manuia lou tula'i mai Tagaloa Theodore McFarland.
Comments