Manumalo Tonga i le ulua'i ta'aloga ma Junior Manu Samoa i le ta'amilosaga a le Oceania.

29 Novema 2022

Ua mae'a le ta'aloga muamua a le Manu Samoa U20 ma le 'au a Tonga e pei ona fa'ataunu'uina i le Aso Lua 29 Novema 2022 i le malae Teufaiva Stadium i Nukualofa, Tonga.

O le ta'amilosaga a le Oceania o tama e i lalo ifo o le 20 tausaga le matutua, lea o lo'o 'auai ai le 'au Manu Samoa laiti po'o le Junior Manu Samoa.

E 20 ‘ai na manumalo ai Tonga i le 19 o ‘ai a le Junior Manu Samoa.

E lua ta'aloga o lo'o fa'atulaga mo lea ta'amilosaga i le va lea o Samoa ma Tonga, o le ta'aloga muamua lea ua fa'ataunu'uina i le aso lenei' Aso Lua 29 Novema 2022 ae o le ta'aloga lona lua o le 'afataunu'uina lea i le Aso 3 o Tesema i le malae lava lenei i Nukualofa, Tonga.

O se ta'aloga finau, i le malosi o le 'au lenei a le Junior Manu Samoa e pei ona sa maitauina mai lava i le 'afa muamua o le ta'aloga se'ia o'o ina mae'a minute e 80.

Na muamua tau'ai le Junior Manu Samoa ina ua fa'asala le 'au a Tonga ma maua ai le avanoa e kiki ai e Samoa le polo i le pou.

O le malosi o le laina i luma a Samoa na tuleia malosi le 'au ma maua ai ni isi o sikoa.