Maua e leoleo 'aisa ma mariuana i le faleta'avale a Le Tafa'ifoe i Moata'a.

Ata pu'eina: Ofisa o Leoleo.

E le'o mapu lava sa'iliga a leoleo i soligatulafono i le atunu'u, aemaise lava o vaega e ono lamatia ai le malupuipuia o Samoa.

O le vaiaso na te'a i le fa'aiuga o le vaiaso i le afiafi o le Aso To'ona'i 23 o Setema 2023, na alu ai se osofa'iga a leoleo i le faleta'avale o le Tafa'ifoe i Moata'a ma maua mai ai ni fuala'au ma la'au faasaina o o le mariuana ma le tinoitupe e silia ma le $10,000.

Ua fa'agasolo ai fo'i su'esu'ega a leoleo i lea mata'upu i ni isi e iai lo latou feso'ota'iga ae ua taofia ma molia ni isi e to'aono na mafai ona maua e leoleo ma i i le latou su'esu'ega lenei sa fa'atinoina.

O lo'o fa'atupula'ia pea soligatulafono o lo'o tula'i mai i nisi o nu'u ma afio'aga i le atunu'u o lo'o latou fa'atauina fa'asolitulifono nei fuala'au ma la'au faasaina i Samoa.

Ua talia nei le aso e fofogaina ai le mata'upu a nei tagata e to'aono ua taofia mai e leoleo.