Ua fa'ama'ite le ali'i fai polokalame i Televise ia Beau Ryan i le talosaga atu i se tasi o tamali'i Samoa ua lauiloa i fa'afiafiaga ma ata Tifaga ia Seiuli Dwayne Johnson, ina ia momoli mai ni ona alofa'aga i le au lakapi Liki o le Toa Samoa i lana ta'aloga mulimuli e saili ai le siamupini o le Ipu o le Lalolagi i lenei tausaga.
I luga o fa'asalalauga fa'aneionapo ua fa'ailoa ai e lenei ali'i Ausetalia, ua uma ona ia lafo se fe'au tusitusia i luga o le Instagram a Dwayne mo sana faamanuaiaga ma se fa'amalosi'au mo tama ma le au atoa o le Toa Samoa.
O Beau o se tasi o ali'i na ta'alo fo'i i le ta'aloga nei lakapi liki i tele o tausaga ua tuana'i, o lenei ua tu malosi e lagolago le Toa Samoa e ui o se alii Sitiseni Ausetalia.
O e ta'aloga a le Toa Samoa ma Ausetalia o le'a faia i le Aso Sa taimi Samoa i le 5am.
Comments